उमराणे वार्ताहर
चंपाषष्ठीनिमित्त तिसगाव आणि पंचक्रोशीतील खंडेराव महाराज भक्तांसाठी एक मोठी पर्वणीच आहे. आज मंगळवार दि. २५ नोव्हेंबर २०२५ पासून तिसगाव तालुका देवळा येथे तीन दिवसीय खंडेराव महाराज यात्रोत्सवाचे भव्य आयोजन करण्यात आले आहे. धार्मिक विधी, मनोरंजनाचे कार्यक्रम आणि शक्ती प्रदर्शनाची सांगड घालणाऱ्या कुस्त्या या यात्रोत्सवाचा सर्व भाविकांनी लाभ घ्यावा, असे आवाहन आयोजकांनी केले आहे.
दि. २५ नोव्हेंबर २०२५
यात्रोत्सव धार्मिक वातावरणात ‘गंगा तिर्थ पुजन मिरवणूक’ने प्रारंभ झाला
रात्री महाराष्ट्रातील सुप्रसिद्ध किर्तनकार ह.भ.प. राधेश्याम महाराज, संगमनेरकर यांच्या सुश्राव्य किर्तनाचा कार्यक्रम झाला
बुधवार दि. २६ नोव्हेंबर २०२५ (मुख्य दिवस)
हा दिवस यात्रेचा मुख्य आकर्षण बिंदू असणार आहे.
* सकाळी ८.०० वाजता: ‘देव मांडव’ चा धार्मिक विधी पार पडेल.
* दुपारी ३.०० वाजता: यात्रेचे मुख्य आकर्षण आणि पारंपरिक विधी म्हणून ओळखले जाणारे ‘बारा गाड्या ओढणे’ हा रोमांचक कार्यक्रम होणार आहे.
* रात्री ९.०० ते पहाटे ४.०० वाजता: रसिकांचे मनोरंजन करण्यासाठी सोपानभाऊ कोळी दोनगांवकर यांचा सुप्रसिद्ध ‘लोकनाट्य तमाशा’ कार्यक्रम आयोजित करण्यात आला आहे.
दिवस तिसरा: गुरुवार दि. २७ नोव्हेंबर २०२५
* दुपारी २.०० ते ६.०० वाजेपर्यंत: यात्रोत्सवाच्या सांगतेनिमित्त ‘भव्य कुस्ती दंगल’ चे आयोजन करण्यात आले आहे. या दंगलीत परिसरातील आणि राज्यातील अनेक नामवंत पैलवान आपले शक्तीप्रदर्शन करतील.
आयोजक व आवाहन
या तीन दिवसीय खंडेराव महाराज यात्रोत्सवाचे नियोजन यात्रा कमिटी, समस्त ग्रामस्थ आणि ग्रामपंचायत, तिसगाव यांनी केले आहे. तिसगाव व पंचक्रोशीतील सर्व भाविकांनी या धार्मिक आणि सांस्कृतिक सोहळ्याचा मोठ्या संख्येने उपस्थित राहून लाभ घ्यावा, असे विनम्र आवाहन आयोजकांनी केले आहे.
