लासलगाव, ता. २८ ( ) येथील नूतन विद्या प्रसारक मंडळ संचालित कला, वाणिज्य व विज्ञान महाविद्यालयात महात्मा ज्योतिराव फुले यांची पुण्यतिथी साजरी करण्यात आली. पर्यवेक्षक प्रा.उज्वल शेलार, राष्ट्रीय सेवा योजना कार्यक्रमाधिकारी प्रा.देवेंद्र भांडे, प्रा.सुनिल गायकर व उच्च माध्यमिक विभागातील सर्व शिक्षक वृंद यांच्या हस्ते प्रतिमा पूजन झाले. याप्रसंगी प्रा.रामनाथ कदम यांनी महात्मा ज्योतिबा फुले यांच्या जीवनकार्याचा आढावा घेत स्त्री शिक्षणाबद्दलचे कार्य विषद केले.
कार्यक्रमाच्या यशस्वीतेसाठी संस्थेचे जनरल सेक्रेटरी श्री.गोविंदराव होळकर, महाविद्यालयाचे प्राचार्य डॉ.आदिनाथ मोरे यांच्या मार्गदर्शनाखाली राष्ट्रीय सेवा योजना कार्यक्रमाधिकारी प्रा.देवेंद्र भांडे, प्रा.सुनिल गायकर आणि रा.से.यो. स्वयंसेवक यांनी परिश्रम घेतले. यावेळी उच्च माध्यमिक विभागातील सर्व प्राध्यापक व विद्यार्थी मोठ्या संख्येने उपस्थित होते.
