आकुर्डी-निगडी-प्राधिकरण श्री संघाच्या प्रांगणात आजपासून ‘गणधर तप’ आराधनेने चातुर्मासाचा मंगलप्रारंभ!
आजपासून आकुर्डी-निगडी-प्राधिकरण श्री संघाच्या पावन प्रांगणात गुरु गौतम ‘गणधर तप’ आराधनेच्या माध्यमातून चातुर्मासाची सुरुवात झाली. या विशेष तप आराधनेत २७ धर्मानुरागींनी गणधर तपाचे प्रत्याख्यान घेतले. एक दिवस उपवास, एक दिवस बियासना अशा पद्धतीने २२ दिवस चालणारी ही विशेष तप आराधना आहे.
या चातुर्मास आराधनेचे आयोजन शासन प्रभाविका पू. गुरुवर्या चंचल कुँवरजी म.सा. यांच्या सुसंस्कारित शिष्या –
उपप्रवर्तिनी महाराष्ट्र सौरभ पू. चंद्रकला श्रीजी म.सा.
‘शासन सूर्य’ आणि वाणीच्या क्रांतिकारी जादूगार पू. स्नेहा श्रीजी म.सा.
मधुर गायिका पू. श्रुतप्रज्ञा श्रीजी म.सा. यांच्या ठाणा-३ च्या सान्निध्यात पार पडत आहे.
गणधर तपाचा शुभारंभ
गणधर तपाच्या पहिल्या दिवशी ‘पैंसठियॉं जाप’ चा लाभ श्री संघाचे अध्यक्ष श्री सुभाषजी ललवाणी व कुटुंबीय यांना मिळाला.
‘मंगलकारी कलश’ ची स्थापना सुभाषजी ललवाणी, कांताजी ललवाणी, प्रियंका ललवाणी, उपाध्यक्षा शारदा दादी चोरडिया आणि विश्वस्त ज्योतीबेन खिंवसरा यांच्या पावन हस्ते, साध्वी वृंदांच्या स्तोत्र पठनानंतर झाली.
चातुर्मासाचे महत्व – प्रवचनातून मार्गदर्शन
वाणीच्या जादूगार पू. स्नेहा श्रीजी म.सा. यांनी तीन ऋतूंचे महत्त्व विषद करताना वर्षा ऋतूमध्ये चातुर्मास का साजरा केला जातो, हे एक सुंदर कौटुंबिक दृष्टांत देत स्पष्ट केले.
सर्व धर्मानुरागींना कुटुंबीय व तरुण मंडळींसह दररोज किमान एक तास प्रवचनात सहभागी होण्याचे आवाहन त्यांनी केले.
धर्म विचारांचा ‘मॉल’ – खास उल्लेख
साध्वीजींनी सांगितले की – ‘आपल्या धर्म स्थानकात आम्ही धर्म आराधनेशी संबंधित मौलिक विचारांचा मॉल उघडलेला आहे. प्रत्येक जैनीने या विचारांची खरेदी करणे ही आपली जबाबदारी आहे. कारण त्याच्यामुळे जिनवाणीचा प्रचार होईल आणि धर्म प्रभावना प्रत्येक घरी पोहोचेल.’
शिलव्रत संकल्प व स्वागत
चातुर्मासाच्या प्रथम दिवशी ११ जोडप्यांनी शिलव्रताची सौगंध घेतली. श्री संघाच्या वतीने शारदा जी चोरडिया यांनी सर्व उपस्थितांचे स्वागत केले व गुरु मॉंचे ऋण स्मरण करून आभार व्यक्त केले. अशा पवित्र वातावरणात चातुर्मासाचा श्रीगणेशा झाला असून, येणारे दिवस साधना, संयम आणि धर्म प्रभावनेने परिपूर्ण ठरणार आहेत.
