(पिंपळगाव बसवंत) कृष्णा गायकवाड
कोकणगाव (ता. निफाड, जि. नाशिक) : विद्यार्थ्यांचे मार्गदर्शक, शिस्तप्रिय, मनमिळाऊ आणि एक जबाबदार गुरुजी म्हणून ओळख असलेले अनिल माळी सर यांचे आजाराच्या झटक्याने काल रात्री दुःखद निधन झाले. त्यांच्या निधनाने शिक्षण क्षेत्रासह समाजातही शोककळा पसरली असून एक संवेदनशील आणि विद्यार्थ्यांसाठी नेहमी उपलब्ध राहणारा आदर्श शिक्षक हरपल्याची भावना व्यक्त होत आहे.
अनिल माळी सर हे कोकणगाव जिल्हा परिषद शाळेत दीर्घकाळ अध्यापन करत होते. विद्यार्थ्यांच्या सर्वांगीण विकासाची मानसिकता, मूल्याधिष्ठित शिक्षण, शिस्त आणि सौजन्यपूर्ण वागणूक ही त्यांची ओळख होती. त्यांच्या मार्गदर्शनातून अनेक विद्यार्थ्यांनी जीवनामध्ये योग्य दिशा मिळवली. त्यामुळेच ते विद्यार्थ्यांच्या हृदयात कायम स्थान निर्माण करणारे शिक्षक म्हणून ओळखले जात.
त्यांच्या निधनाची माहिती मिळताच गाव परिसरात, माजी विद्यार्थ्यांत, पालक व शिक्षक बांधवांमध्ये अत्यंत दुःखाची भावना निर्माण झाली. अनेकांनी सामाजिक माध्यमांवर त्यांना श्रद्धांजली वाहत त्यांच्या कार्याची व व्यक्तिमत्त्वाची आठवण व्यक्त केली.
अनिल माळी सर यांच्या पार्थिव देहाचा अंत्यविधी आज दुपारी २.०० वाजता शिरपूर (जि. धुळे) येथे करण्यात येणार असून शिक्षक, सहकारी, ग्रामस्थ, माजी विद्यार्थी तसेच मान्यवर मोठ्या संख्येने उपस्थित राहण्याची शक्यता आहे.
शिक्षण क्षेत्रात उजेड निर्माण करणाऱ्या या थोर व्यक्तिमत्त्वाला सलाम करत —
🙏 अनिल माळी सरांना विनम्र, भावपूर्ण श्रद्धांजली 🙏
