चांदवड (महेंद्र गुजराथी)
राज्य शासनाच्या वतीने दिला जाणारा सन २०२४-२५ सालचा स्वर्गीय आर. आर. आबा पाटील स्वच्छ गांव सुंदर (स्मार्ट ग्राम) पुरस्कार उर्धुळ ग्रामपंचायतीस प्रदान करण्यात आला.
जिल्हा परिषदेच्या वतीने व चांदवड पंचायत समितीच्या वतीने तालुक्यातील प्रथम क्रमांकाचे पारितोषिक उर्धुळ ग्रामपंचायतीस जिल्हा परिषदेचे मुख्य कार्यकारी अधिकारी डॉ. ओमकार पवार, उपमुख्य कार्यकारी अधिकारी डॉ. वर्षा पडोळ, चांदवड पंचायत समितीचे गटविकास अधिकारी मच्छिंद्र साबळे यांच्या उपस्थितीत उर्धुळ गावच्या सरपंच कविता श्रीहरी ठाकरे, उपसरपंच मिरा दत्तू ठाकरे, ग्रामपंचायत अधिकारी आम्रपाली देसाई यांना सुपूर्त करण्यात आला. यावेळी ग्रामपंचायत अधिकारी पापळ, ग्रामपंचायत सदस्य बापू ठाकरे, श्रीहरी ठाकरे, रामदास खुटे, पोलिस पाटील पांडुरंग खुटे, दत्तू ठाकरे, तंटामुक्ती अध्यक्ष रेवण ठाकरे, प्रकाश पवार, संदिप पवार, स्वाती पाटील, आनंदा ठाकरे, गोरख ठाकरे, रामनाथ जगताप, कर्मचारी दत्तू खुटे, तुषार आवारे, विकास साबळे, सौरभ पवार आदी उपस्थित होते. उर्धुळ ग्रामपंचायतीस प्रथमच पारितोषिक मिळाल्याने ग्रामस्थांनी समाधान व्यक्त केले.
अधिकार्यांच्या हस्ते स्मार्ट ग्राम पुरस्कार स्वीकारताना सरपंच कविता ठाकरे, उपसरपंच मिरा ठाकरे, ग्रामपंचायत अधिकारी आम्रपाली देसाई.
